ជំងឺខ្វះឈាម
ខ្វះឈាមធ្វើឲ្យខួរក្បាល និងប្រព័ន្ធសរសៃប្រសាទ មិនត្រូវបានផ្គត់ផ្គង់គ្រប់សារជាតិចាំបាច់ ដើម្បីរក្សាសកម្មភាពនៅសភាពធម្មតា ។ ផលវិបាក គឺនាំដល់ការអស់កម្លាំង, ងងុយគេង, រាងកាយយឺតយ៉ាវ, បាត់ការប្រមូលផ្តុំ… ។ វិធានការដោះស្រាយស្ថានភាពនេះ គឺត្រូវបំពេញថែមជាតិដែក តាមរយៈការលេបថ្នាំ ឬ បរិភោគអាហារសម្បូរជាតិដែក ដូចជាថ្លើមសត្វ, សាច់គោ,… ។
ខ្សោយក្រពេញទីរ៉ូអ៊ីដ
ពេលមុខងារក្រពេញទីរ៉ូអ៊ីដថមថយ នោះសរីរាង្គអ្នកពេលណាក៏ងងុយគេង សូម្បីតែគេងច្រើនជាង ១៥ ម៉ោង នៅតែមិនបាត់ងងុយ ។ ទន្ទឹមនោះ រោគសញ្ញាអមជាមួយដូចជាពិបាកប្រមូលផ្តុំ, ឈឺចាប់សាច់ដុំ, ងាយអស់កម្លាំងក្នុងសកម្មភាពធម្មតាប្រចាំថ្ងៃ ដូចឡើងជណ្តើរ, ដើរ, ជិះកង់… ។
ជំងឺអំពីថ្លើម
ពេលថ្លើមមានបញ្ហា នោះសកម្មភាពរបស់ថ្លើម នឹងរងឥទ្ធិពល, ធ្វើឲ្យថ្លើមមិនអាចស្តុកវីតាមីន, សារជាតិរ៉ែ, ផលិតចេញប្រូតេអ៊ីនថ្មីសម្រាប់សរីរាង្គ, បង្កើតថាមពលយ៉ាងលឿនពេលចាំបាច់ទៀត ។
អាស្រ័យមូលហេតុនេះ ដែលអ្នកមានបញ្ហាថ្លើម តែងមានអារម្មណ៍ងងុយគេង មិនថាថ្ងៃ ឬ យប់ ។
ជំងឺធ្លាក់ទឹកចិត្ត
ធ្លាក់ទឹកចិត្តជាជំងឺសង្គមកំពុងមានលក្ខណៈទូទៅ ។ អាស្រ័យហេតុនោះ ប្រសិនអ្នកឃើញថាពេលណាក៏ងងុយគេង, ខួរក្បាលស្រពេចស្រពិល, អស់កម្លាំង, ខ្វះថាមពល នោះចូរចាប់អារម្មណ៍ដល់ជំងឺនេះ ។
ក្រៅពីនេះ ជំងឺធ្លាក់ទឹកចិត្ត នៅអមជាមួយរោគសញ្ញាមួយចំនួនដូចជាមានអារម្មណ៍ខ្វះជំនឿលើ ខ្លួនឯង, អស់សង្ឃឹម, ត្រិះរិះអសកម្ម, មិនចូលចិត្តប្រាស្រ័យជាមួយមនុស្សគ្រប់គ្នា ។
អាស្រ័យហេតុនោះ ប្រសិនពេលថ្ងៃ ពេលណាក៏ងងុយគេង នោះគួរតាមដានមើល តើខ្លួនមានរោគ សញ្ញាផ្សេងៗរបស់ជំងឺធ្លាក់ទឹកចិត្ត ឬ អត់ ដើម្បីព្យាបាលឲ្យទាន់ពេល ។
ជំងឺទឹកនោមផ្អែម
ផលវិបាកមួយរបស់ជំងឺទឹកនោមផ្អែម នោះគឺធ្វើឲ្យខួរក្បាល ខ្វះអុកស៊ីហ្សែន ក្នុងរយៈពេលវែង ។ ក្រៅពីការបង្កឲ្យងងុយគេង, អស់កម្លាំង, ជំងឺទឹកនោមផ្អែម នៅអាចបង្កឥទ្ធិពលអសកម្មមួយចំនួន ខាងរាងកាយ ធ្វើឲ្យអ្នកជំងឺមានអារម្មណ៍ពេលប្រាសខ្នងគេង គឺមិនចង់ក្រោកក្នុងរយៈពេលខ្លី ។
ជាក់ស្តែង, អ្នកជំងឺទឹកនោមផ្អែម តែងមានពេលវេលាគេងនៅពេលថ្ងៃ ទ្វេដងអ្នកដទៃ ៕ ប្រែសម្រួល: រតនៈ
ប្រភពពី៖ rasmeinews
Post A Comment: