តម្លៃពិសេសនៃអរិយធម៌ខ្មែរ

ខ្មែរ ជាប្រទេសជាតិមួយដែលមានអរិយធម៌ចំណាស់ ក្នុងចំណោមអរិយធម៌ដែលចាស់ជាងគេលើពិភពលោក។ អរិយធម៌ខ្មែរ បានរីកចម្រើនលូតលាស់ជាលំដាប់ដោយបានស្រូបយកឥទ្ធិពលបរទេសមកផ្សែផ្សំនិងធាតុដើមរបស់ខ្លួន ដើម្បីបង្កើតអោយបាននូវវប្បធម៌ចំរុះមួយបែប ដែលបែកជាមែកសាខា បីដូចជាដើមឈើដែលដាំលើដីមានជីជាតិល្អ មានទឹក មានកំដៅព្រះអាទិត្យគ្រប់គ្រាន់ ក៏ដុះដាលលូតលាស់ឡើងមានពណ៌ស្រស់បំព្រងដូចនោះដែរ។ អរិយធម៌ខ្មែរសម្បូរណាស់ មានៈ អក្សរ ភាសា អក្សរសិល្បិ៍ សិល្បៈ ទស្សនវិជ្ជា សាសនា ទំនៀមទំលាប់ ប្រពៃណីជាដើម សុទ្ធសឹងតែប្រកបដោយក្បួនច្បាប់ត្រឹមត្រូវ ហើយច្បាស់លាស់ទៀតផង។
លក្ខណៈពេសេសសំខាន់មួយទៀតនោះគឺ បុព្វបុរសខ្មែរ ចេះកែរច្នែរវប្បធម៌បរទេសអោយមានលក្ខណៈជារបស់ខ្មែរ។
អរិយធម៌នេះ ដូនតាយើងលោកបានសាងរាប់សតវត្យមកហើយ ហើយបន្សល់ទុកដល់យើងជំនាន់ក្រោយនេះ។ ដូចនេះ ករណីយកិច្ចរបស់កូនចៅជំនាន់ក្រោយ គឺត្រូវរៀនអោយចេះ អោយស្គាល់ របស់ជាតិខ្លួន។ ម្យ៉ាងទៀត យើងត្រូវចេះអោយតម្លៃ ខំពង្រីកនិងរក្សាការពារ ព្រោះវាជារឹសគល់ ឬជាព្រលឹងរបស់ជាតិ។ «បើមិនស្គាល់អរិយធម៌ជាតិទេ គឺមិនស្គាល់អ្វីដែលជាជាតិរបស់ខ្លួនទេ»។