ចំពោះលក្ខណៈនៃការធ្វើជំនួញខ្នាតធំរបស់ចិនសម័យបច្ចុប្បន្ន យើងឃើញថាមានកត្តាពីរយ៉ាងដែលជាមូលហេតុធ្វើឲ្យយក្សចិនមានភាពជោគជ័យលើសេដ្ឋកិច្ចនិងជំនួញ។ ទីមួយគឺ ការបណ្តាក់ទុនទ្រង់ទ្រាយធំ (ផ្គត់ផ្គង់ដោយទុនអន្តរជាតិ និងប្រាក់សន្សំរបស់ជាតិ)។
ទីពីរគឺ ការកើនឡើងយ៉ាងឆាប់រហ័សនៃការខ្ជាក់ចេញនូវផលិតផលដ៏ច្រើនសន្ធឹកសន្ធាប់។ ជាការពិត កត្តាទាំងពីរនេះបានលេចឡើងព្រមគ្នា ដែលជាកត្តារុញច្រានសេដ្ឋកិច្ចជាតិឲ្យមានភាពរីកចម្រើនយ៉ាងឆាប់រហ័សគួរឲ្យកត់សម្គាល់។ ការធ្វើកំណែទម្រង់សេដ្ឋកិច្ចបាននាំទៅដល់ប្រសិទ្ធិផលខ្ពស់ ដែលជួយអង្រន់ដល់មែកធាងទិន្នផល និងបង្កើនធនធានសម្រាប់ការបណ្តាក់ទុនបន្ថែមសម្រាប់យក្សចិន។
ជាបន្ទាប់ទៅទៀតនេះ យើងនឹងធ្វើការអធិប្បាយអំពីវិធីសាស្រ្តសំខាន់ៗនៅចំពោះមុខដែលចិនប្រើក្នុងការធ្វើជំនួញ ហើយក៏រាប់ថាជាដើមហេតុដែលធ្វើឲ្យសេដ្ឋកិច្ចចិនឈានដល់ចំណុចកំពូលបើធៀបទៅនឹងសេដ្ឋកិច្ចប្រទេសលើសកលលោក។
ជាបន្ទាប់ទៅទៀតនេះ យើងនឹងធ្វើការអធិប្បាយអំពីវិធីសាស្រ្តសំខាន់ៗនៅចំពោះមុខដែលចិនប្រើក្នុងការធ្វើជំនួញ ហើយក៏រាប់ថាជាដើមហេតុដែលធ្វើឲ្យសេដ្ឋកិច្ចចិនឈានដល់ចំណុចកំពូលបើធៀបទៅនឹងសេដ្ឋកិច្ចប្រទេសលើសកលលោក។
- ចំណាយឲ្យតិចបំផុត៖ ចំពោះការផលិតប្រទេសចិនមានពលករដ៏ច្រើនសើសលប់ ពួកគេធ្វើការងារធ្ងន់ និងទទួលប្រាក់កម្រៃទាបបើធៀបទៅនឹងប្រទេសនៅអ៊ឺរ៉ុប និងសហរដ្ឋអាមេរិក។ រហូតដល់ពេលបច្ចុប្បន្ន យើងឃើញថាចិនមិនទាន់មានភាពទទួលខុសត្រូវខ្លាំងចំពោះការបំពុលបរិស្ថាន ដែលជាមូលហេតុមួយក្នុងការចំណាយបន្ថែមចំពោះការផលិត។ បើសិនជាយើងក្រឡេកមើលទៅក្នុងពន្ធធនាគាររបស់ចិនដែលមានអ្នកទោសដ៏ច្រើនសន្ធឹកសន្ធាប់វិញ យើងនឹងដឹងហើយថាពួកគេកំពុងធ្វើអ្វី។ មែនហើយ គឺពួកគេពាក់ស្លាកនៅលើហោប៉ៅអាវ ហើយគ្រប់គ្នាមានផែនការសម្រាប់បំពេញប្រចាំថ្ងៃ។ អ្នកគ្រប់គ្រង់ពន្ធធនាគារ និងឆ្មាំគុកនិយាយថា អ្នកធ្វើការល្អបានអាហារល្អ អ្នកមិនធ្វើការគឺមិនមានអាហារ អ្នកមិនបានសម្រេចតាមផែនការត្រូវទទួលពិន័យ។ ជាការពិត ទាំងអស់នេះអាចជា ចំណុចមួយចំនួនដែលធ្វើឲ្យប្រទេសចិនចំណាយតិចក្នុងការផលិត បើធៀបទៅនឹងគូប្រជែងរបស់គេលើលោក។
- ផលិតឲ្យបានច្រើនបំផុត៖ នេះជាវិធីសាស្រ្តដ៏មានប្រសិទ្ធិភាពមួយ ដែលចិនប្រើក្នុងការយកឈ្នះលើទីផ្សារអន្តរជាតិ។ នៅពេលដែលតម្រូវការពិភពលោក និងចំនួនប្រជាជនកើនឡើង គឺគេត្រូវការជាចាំបាច់នូវផលិតផលប្រើប្រាស់ និងទទួលទាន។ យក្សចិនមិនសំចៃពេលនោះទេ ដោយផ្អែកទៅលើកត្តាទាំងពីរខាងលើ ដែលជួយរុញច្រានសេដ្ឋកិច្ចចិនឲ្យរីកចម្រើននោះ គេកាន់តែបង្កើននូវការខ្ជាក់ចេញនូវផលិតផលដ៏ច្រើនសន្ធឹកសន្ទាប់ដែលរាប់ចាប់ពីគ្រឿងអេឡិចត្រូនិច គ្រឿងម៉ាស៊ីន គ្រឿងដេរប៉ាក់ សម្លៀកបំពាក់ គ្រឿងសង្ហារឹម ស្បែកជើង និងសូម្បីតែឧបករណ៍វេជ្ជសាស្រ្ត។ល។ នៅឆ្នាំ2001 ជាពេលដែលចិនបានចូលជាសមាជិកអង្គការពាណិជ្ជកម្មពិភពលោក (WTO) ហើយសន្យាថានឹងគោរពឲ្យបាននូវច្បាប់នៃការជួញដូរអន្តរជាតិ។ សហរដ្ឋអាមេរិក អ៊ឺរ៉ុប ក៏ដូចជាពិភពលោកបានយល់ព្រមទទួលយកការនាំចូលផលិតផលរបស់ចិនដែលដឹកចេញទៅលក់ដូចទឹកជំនន់។ មិនគួរឲ្យជឿដែលផលិតផលរបស់យក្សមួយនេះ លក់ដាច់យ៉ាងច្រើនសន្ធឹកសន្ទាប់ ដោយហេតុថា វាមានតម្លៃថោក វាទាន់សម័យ ព្រមទាំងមានការបញ្ចុះតម្លៃជារៀងរាល់រដូវកាល និងបុណ្យផ្សេងៗ។
- កំណត់តម្លៃឲ្យថោកបំផុត៖ ដោយយោងទៅលើចំណុចទីមួយ ចិនចំណាយតិចបំផុតក្នុងការផលិត យើងក៏អាចប៉ាន់ប្រមាណបានដែរថា តម្លៃនៃផលិតផលចិន មានការប្រគួតប្រជែងខ្លាំងបំផុតចំពោះផលិតផលនាំចេញពីប្រទេសនានា។ វាមានតម្លៃខុសគ្នាដាច់ស្រឡះបើយើងគ្រាន់តែធ្វើការប្រៀបធៀបទូរទស្សន៍LCD របស់ចិន និងរបស់អាមេរិក ឬអ៊ឺរ៉ុប ដែលនេះមិនទាន់រាប់បញ្ចូលការបញ្ចុះតម្លៃ នៅរាល់ថ្ងៃសុក្រ (Black Friday) បុណ្យគ្រីស្មាស់ (Christmas) បុណ្យចូលឆ្នាំថ្មីព្រមទាំងកម្មពីធីផ្សេងៗផង។
- លក់ឲ្យដាច់បំផុត៖ ប្រទេសចិនប្រើយុទ្ធសាស្រ្តវាយលុកទីផ្សារអន្តរជាតិ ជាពិសេសទីផ្សារអាមេរិក និងអ៊ឺរ៉ុបដោយនាំចេញនូវផលិតផលដែលបង្កគ្រោះថ្នាក់ចំពោះផលិតផលក្នុងស្រុក និងផលិតផលនាំចូលពីប្រទេសនានា។ បើតាមរបាយការណ៍របស់លោក ម៉ាទីន ស៊ីន (Martin Sheen, Death By China) បន្ទាប់ពីចិនបានចូលជាសមាជិកអង្គការពាណិជ្ជកម្មអន្តរជាតិ (WTO) រោងចក្ររបស់អាមេរិកចំនួន57,000 ត្រូវបានបាត់ខ្លួន បន្សល់ទុកនូវអ្នកអត់ការងារធ្វើចំនួន25លាននាក់ជាង។
មិនតែប៉ុណ្ណោះ អាមេរិកដែលជាមិត្តស្គាល់ចិត្តនៅជាប់បំណុលដល់ទៅ 3ពាន់ពាន់លានដុល្លារ (3 Trillion Dollars)ចំពោះរដ្ឋាភិបាលកុម្មុយនិស្តមួយនេះ។ ដោយសារតែតម្លៃថោក អាចប្រើប្រាស់បាន និងទាន់សម័យនៃផលិតផលចិន បានធ្វើឲ្យចិនលក់ផលិតផលនាំចេញរបស់ខ្លួនដាច់បំផុត ហើយក៏ធ្វើឲ្យផលិតផលដទៃទៀតមិនអាចប្រគួតប្រជែងបាន។ ចង់ឬមិនចង់រោងចក្រ និងក្រុមហ៊ុនមួយចំនួនត្រូវបិទទ្វា ឬប្តូរទីតាំងដើម្បីកាត់បន្ថយការចំណាយ និងបុព្វហេតុប្រគួតប្រជែង។
ប្រភពពី៖ Thearithsung
Post A Comment: