១. ដេកយូរ
មនុស្សជោគជ័យច្រើនតែមានទម្លាប់ក្រោកពីព្រឹក ដែលជាទូទៅគឺច្រើនតែក្រោកមុនមនុស្សផ្សេងទៀត។ ដូច្នេះគេអាចចាប់ផ្តើមធ្វើការ អានព័ត៌មាន ឆ្លើយតបអ៊ីមែល និងហាត់ប្រាណដោយមិនខាតពេលច្រើនសម្រាប់គ្រួសារ។២. ព្រងើយកន្តើយចំពោះសុខភាព
ទម្លាប់សុខភាពមិនល្អបង្កើតសំណាងអាក្រក់។ ឬបើតាមទ្រឹស្តីព្រះពុទ្ធ សុខភាពជាលាភមហាសាល។ នៅពេលអ្នកមិនមានសុខភាពល្អ អ្នកធ្វើការមិនបានច្រើន និងមានអារម្មណ៍ធុញថប់។ តើអ្នកអាចរកទ្រព្យបានដោយរបៀបណាបើអ្នកគិតតែរវល់តែឈឺ?៣. មិនអានសៀវភៅ
អ្នកមានវិនិយោគពេលវេលា និងការប្រឹងប្រែងដើម្បីពង្រីកចំណេះដឹងរបស់គេ ដើរឱ្យទាន់ព្រឹត្តិការ និងរៀនពីមនុស្សជោគជ័យ។ ការអានសៀវភៅជួយឱ្យអ្នកពង្រីកទស្សនវិស័យ ជំរុញអ្នកឱ្យមានក្តីសុបិនកាន់តែធំ និងលើកទឹកចិត្តអ្នកមិនឱ្យលះបង់ព្យាយាម។៤. ពឹងលើប្រភពចំណូលតែមួយច្រក
អ្នកស្តុកស្តម្ភមានប្រភពចំណូលច្រើនច្រក។ និយាយបែបនេះមិនមែនមានន័យថាអ្នកគួរតែរកការងារបន្ថែមម៉ោងធ្វើកុំឈប់នោះទេ។ អ្នកអាចធ្វើអ្វីដែលអ្នកស្រឡាញ់ ដូចជាការសរសេរសៀវភៅ ឬសរសេរអ្វីដែលមានប្រយោជន៍នៅលើអ៊ីនថឺណិតដើម្បីបានប្រាក់ចំណូលបន្ថែម។៥. មិនរៀបចំគម្រោងថវិកា
មនុស្សគ្រប់គ្នាត្រូវការបង្កើតគម្រោងថវិកាឱ្យបានម៉ត់ចត់ ប៉ុន្តែមានមនុស្សជាច្រើនដែលមិនធ្វើបែបនេះ។ ដោយសារតែគេមើលមិនឃើញថាគេចាយច្រើនជាប្រាក់ចំណូល ទើបគេច្រើនតែជួបបញ្ហាហិរញ្ញវត្ថុជាញឹកញាប់។៦. ចាយមិនគិត
អ្នកក្រភាគច្រើនមិនសន្សំលុយ ហើយចូលចិត្តខ្ចីលុយគេដើម្បីសម្តែងភាពហ៊ឺហា។ ជាលទ្ធផល អ្នកទាំងនោះមិនមានលុយចាយនៅពេលចាស់ទៅ មិនមានលុយកាក់សម្រាប់ការសិក្សារបស់កូន ឬមិនមានលទ្ធភាពសម្រេចតាមក្តីប្រាថ្នាក្នុងជីវិត។៧. គិតតែមិនធ្វើ
ការចង់ក្លាយជាសេដ្ឋីជារឿងមួយ តែការចាប់ផ្តើមសកម្មភាពដើម្បីក្លាយជាសេដ្ឋីជារឿងមួយផ្សេងទៀត។ ប្រសិនបើអ្នកចង់ដោះខ្លួនឱ្យចេញផុតពីអន្ទាក់បញ្ហាលុយកាក់ អ្នកត្រូវតែចាប់ផ្តើមសកម្មភាពឱ្យបានឆាប់។៨. ផឹកស៊ី និងញៀនល្បែង
គ្មានផ្លូវកាត់ដើម្បីក្លាយជាអ្នកមានទេ។ ជោគជ័យហិរញ្ញវត្ថុត្រូវការពេលវេលា គំនិតផ្តួចផ្តើម និងការប្រឹងប្រែងមិនចេះឈប់។ មនុស្សដែលញៀនល្បែងវង្វេងថាមានផ្លូវកាត់ទៅរកជោគជ័យ។ ជាងនេះទៅទៀត ការផឹកស៊ីច្រើនជ្រុលធ្វើឱ្យអ្នកមិនអាចក្លាយជាសេដ្ឋីបានដោយសារតែវាបំផ្លាញសុខភាពមិនឱ្យអ្នកគិតបានច្បាស់លាស់។៩. មើលទូរទស្សន៍ច្រើនពេក
ផ្ទះអ្នកមានខ្លាំងនិងអ្នកមិនសូវមានខុសគ្នាត្រង់ថា អ្នកមានខ្លាំងមានទូរទស្សន៍តូច តែមានបណ្ណាល័យធំ ចំណែកអ្នកមិនសូវមានវិញមានទូរទស្សន៍ធំ តែមានបណ្ណាល័យតូច។ អ្នកមានចំណាយពេលច្រើនដើម្បីអានសៀវភៅ ហាត់ប្រាណ និងអប់រំខ្លួនឯងជាជាងអង្គុយ ឬដេកមើលទូរទស្សន៍។១០. មិនកំណត់គោលដៅប្រចាំថ្ងៃ
ទម្លាប់ល្អបំផុតសម្រាប់អ្នកចាប់ផ្តើមចង់ក្លាយជាសេដ្ឋីគឺការសរសេរគោលដៅប្រចាំថ្ងៃឱ្យបានរាល់ព្រឹក។ ទម្លាប់បែបនេះជួយជំរុញទឹកចិត្តនិងណែនាំផ្លូវអ្នកឱ្យដើរត្រង់ទៅរកគោលដៅទាំងនោះ។ ការកំណត់គោលដៅរាល់ថ្ងៃក៏ជួយឱ្យអ្នកមើលឃើញកិច្ចការណាដែលមានអាទិភាពជាងកិច្ចការផ្សេងទៀត៕ប្រែសម្រួល ៖ វេហា
ប្រភព ៖ Entrepreneur
Post A Comment: