ឥរិយាបថនៃការគេងដែលត្រឹមត្រូវបំផុតក្នុងកំឡុងពេលមានផ្ទៃពោះគឺ ការគេងបែរចំហៀង។ ហើយឥរិយាបថនៃការគេងដែលល្អជាងគេគឺ ការគេងបែរទៅឆ្វេង។ ការគេងបែរទៅឆ្វេងនឹងជួយជម្រុញបរិមាណឈាម ក៏ដូចជាសារធាតុចិញ្ចឹមទៅឱ្យសុកទារក។ ប្រសិនបើអ្នកគេងឱ្យបានត្រឹមត្រូវ ទារកក្នុងផ្ទៃអ្នកនឹងមានសុវត្ថិភាព។
មានមូលហេតុមួយចំនួនធ្វើឱ្យស្ត្រីមានគភ៌គេងមិនបានស្រួល ដោយសាររាងកាយជួបនឹងបម្រែបម្រួលផ្សេងៗដូចជា៖
- ពោះកាន់តែធំឡើង
- ឈឺខ្នង
- ចុកក្តៅចុងដង្ហើម
- ដកដង្ហើមបានខ្លីៗ
- គេងមិនលក់។
ឥរិយាបថនៃការគេងដែលត្រឹមត្រូវបំផុត
- គេងអង្កញ់ជើង និងដាក់ខ្នើយនៅចន្លោះជើងទាំង ២របស់អ្នក
- បើអ្នកមានបញ្ហាឈឺខ្នង គួរគេងបែរទៅចំហៀង ហើយដាក់ខ្នើយនៅក្រោមពោះ
- បើអ្នកជួបបញ្ហាចុកក្តៅចុងដង្ហើមនៅពេលយប់ ដាក់ខ្នើយពីលើខ្លួនរបស់អ្នក
- ពេលជិតដល់ថ្ងៃសម្រាល អ្នកនឹងដកដង្ហើមបានខ្លីៗ។ ព្យាយាមគេងបែរទៅចំហៀង ឬដាក់ខ្នើយពីក្រោមពោះ។
ឥរិយាបថនៃការគេងដែលអ្នកគួរចៀសវាង
គេងផ្ងារ
ការគេងបែបនេះអាចបណ្តាលឱ្យកើតបញ្ហាឈឺខ្នង ផ្លូវដង្ហើម ប្រព័ន្ធរំលាយអាហារ ឬសដូងបាត សម្ពាធឈាមទាប និងនាំឱ្យខ្សោយចរាចរណ៍ឈាមបញ្ជូនទៅឱ្យបេះដូងអ្នក និងទារករបស់អ្នក។
គេងផ្កាប់មុខ
នៅពេលថ្ងៃសម្រាលកាន់តែជិតមកដល់ ពោះរបស់អ្នកនឹងមានបម្រែបម្រួលច្រើន ធ្វើឱ្យអ្នកពិបាកគេងកាន់តែខ្លាំងឡើង៕
Post A Comment: