ពេលនេះសូមផ្ញើកំណាព្យ ឬក៏បទចម្រៀងដែលមានតែអក្សរ ជូនដល់មិត្តទាំងអស់គ្នាមលើលេង។បទនេះមានចំណងជើងថា ដើម្បីអារ៉ែង សូមទស្សនាដូចតទៅ៖
១. ខែបុណ្យកឋិននៅភ្លៀងជោគជាំ យើងនាំគ្នារាំលះទុក្ខគ្រប់យ៉ាង ផ្លូវមកអារ៉ែងមានព្រៃសងខាង រូបបងសំណាងជួបម៉ុមធ្វើបុណ្យ។
២. អារ៉ែងព្រឹក្សព្រៃដែនដីដូនតា យើងជាតិខេមរាសប្បាយពេកពន់ យើងធ្វើប្រយោជន៍លះក្តីលោភលន់ ចោលបាបសាងគុណថ្វាយជាតិសាសនា។
R. កុំធ្វើជាមនុស្សមានឈ្មោះអប្រីយ៍ ដល់ជីវិតក្ស័យគេជេរវង្សា ព្រោះតែជាមនុស្សវង្វេងពាលា ចិត្តជាយក្សាបំផ្លាញអារ៉ែង។
៣. ខ្ញុំសូមសច្ចានៅការពារអ្នក យុវជនស្មោះស្ម័គ្រគ្មានចិត្តខ្លាចក្រែង ទោះបីឧបសគ្គកាត់ភ្លើងឆ្លងផ្សែង ដើម្បីអារ៉ែងសុខចិត្តក្ស័យអើយ!!! ដើម្បីអារ៉ែងខ្ញុំស៊ូក្ស័យអើយ។
បើមានមិត្តណាចេះច្រៀងអាចយកលំនាំបទ(ដួងជីវិតខ្ញុំសម្រាប់តែអ្នក(ស៊ិន ស៊ីសាមុត)បាន។ យកតាមចិត្តគ្មានកម្មសិទ្ធិបញ្ញាទេ អរគុណ។
និពន្ធដោយ៖ Phorn Bunnan
Post A Comment: