តើកម្ពុជាត្រូវធ្វើអ្វីខ្លះ ដើម្បីទាក់ទាញការវិនិយោគយក្សពីសហរដ្ឋអាមេរិក?
ការវិភាគលើកត្តា ៤ ចំណុចធំៗដែលតំណាងពាណិជ្ជកម្មអាមេរិក (USTR) ចង់បាន
សួស្ដីបងប្អូនទាំងអស់គ្នា! ថ្ងៃនេះយើងនឹងជជែកគ្នាអំពីប្រធានបទដ៏សំខាន់មួយ គឺការទាក់ទាញអ្នកវិនិយោគពីសហរដ្ឋអាមេរិកមកកាន់ប្រទេសកម្ពុជាយើង។ យោងតាមរបាយការណ៍របស់ USTR (តំណាងពាណិជ្ជកម្មសហរដ្ឋអាមេរិក) គេបានរំលេចនូវបញ្ហាប្រឈមធំៗចំនួន ៤ ដែលកម្ពុជាគួរដោះស្រាយ ដើម្បីបង្កើនទំនុកចិត្តដល់វិនិយោគិន។
១ បញ្ហាតម្លាភាព និងភាពច្បាស់លាស់នៃស្ថាប័ន (Transparency)
អាមេរិកចង់ឃើញភាពច្បាស់លាស់នៃតួនាទីរបស់ក្រសួងស្ថាប័ននីមួយៗ។ កន្លងមក ទោះបីយើងមានច្បាប់ និងប្រកាសច្រើន ប៉ុន្តែនៅមាន "ភាពមន្ទិល" លើនីតិវិធីអន្តរក្រសួង។ បើក្រុមហ៊ុនអាមេរិកចង់វិនិយោគលើ "វិស័យកែច្នៃចំណីអាហារ" ជាឧទាហរណ៍ គេត្រូវឆ្លងកាត់ក្រសួងច្រើន និងចំណាយពេលយូរ។ បើយើងធ្វើឱ្យប្រព័ន្ធនេះសាមញ្ញ គេនឹងមិនស្ទាក់ស្ទើរក្នុងការមកឡើយ។
២ ការបង្ក្រាបទំនិញក្លែងក្លាយ និងការលួចចម្លង (Counterfeit Goods)
តាមទិន្នន័យ OECD ឆ្នាំ២០២៥ កម្ពុជាមានហានិភ័យខ្ពស់ (ពិន្ទុជិតដល់ ១.០០) លើទំនិញក្លែងក្លាយ។
- មានទំនិញប្រមាណ ២០ ប្រភេទ (សម្លៀកបំពាក់, អេឡិចត្រូនិក...) ដែលរងផលប៉ះពាល់។
- បើយើងពង្រឹងការបង្ក្រាបបានល្អ ក្រុមហ៊ុនធំៗនឹងមានទំនុកចិត្តមកដាក់ទុន។
៣ ការរឹតត្បិតកម្មសិទ្ធិដីធ្លីចំពោះជនបរទេស
នេះជាចំណុចរសើប។ យើងកំណត់ឱ្យបរទេសកាន់កាប់បានត្រឹម ៤៩% និងខ្មែរ ៥១%។ ការធ្វើបែបនេះគឺត្រឹមត្រូវ ដើម្បីការពារជីវភាពសហគមន៍ និងទប់ស្កាត់ការបំបោងតម្លៃដីធ្លី។ អ្វីដែលយើងចង់បាន គឺអ្នកវិនិយោគដែលមក "រស់នៅ និងរកស៊ីយូរអង្វែង" ពិតប្រាកដ។
៤ ការលុបបំបាត់អំពើពុករលួយ និងការបង់កម្រៃក្រៅផ្លូវការ
កម្ពុជាបានខិតខំប្រឹងប្រែងច្រើនតាមរយៈយន្តការដូចជា៖
សរុបមកវិញ បើសិនជាកម្ពុជាអាចឆ្លើយតបនឹងចំណុចទាំង ៤ នេះបានល្អ នោះកំណើនវិនិយោគពីសហរដ្ឋអាមេរិកនឹងកើតឡើងគួរឱ្យកត់សម្គាល់។
