រកឃើញទីកន្លែងរបស់មនុស្សសម័យបុរាណនៅហ្លួងបា្របាងប្រទេសឡាវមានអាយុកាលជិត២ពាន់ឆ្នាំ
អ្នកជំនាញផ្នែកគំរោងស្រាវជ្រាវបុរាណវិទ្យាក្នុងតំបន់ទន្លេមេគង្គកណ្ដាលរបស់ឡាវ (Loas-Mdiddle Mekong Archaeological Research Project) (MMARP) បានបញ្ជាក់ពីការប្រទះឃើញប្រភពរបស់មនុស្សក្នុងសម័យបុរាណ រួមទាំងប្រភពបញ្ចុះសព នៅក្នុងភូមិសៀងមួក ហ្លួងប្រាបាង ដែលជារាជធានីរបស់ប្រទេសឡាវ ។ លោកប៊ុនហៀង បួស៊ីឌែង នាយក MMARP បានឱ្យដឹងថា ក្រុមការងារបានជីកប្រទះឃើញវត្ថុបុរាណជាច្រើនប្រភេទរួមមានទាំងកោដ្ឋធ្វើពីដីដុតសំរាប់រក្សាទុកឆ្អឹងមនុស្សដែលវត្ថុទាំងនោះបានបញ្ជាក់ថា ប្រទេសឡាវជាប្រភពអរិយធម៌តាំងពីបរមបុរាណមក ។ តាមកាសែតឡាវបានផ្សាយដោយយោងលើសំដីរបស់លោកប៊ុនហៀង ថា “យើងនៅមានប្រទះឃើញឧបករណ៍ប្រើប្រាស់ធ្វើពីថ្មដែលអ្នកបុរាណប្រើសំរាប់ដុតភ្លើង កាំបិត រួមទាំងឆ្នាំងចំអិនអាហារដែលបែកបាក់ សំបកខ្យង កំទេចកំទីអាហារដែលទុកចោល និងរូបសំណាកព្រះពុទ្ធរូបផង ដែរ” ។ លោកស្រីចយ វ៉ាយ (Joyee White) អ្នកស្រាវជ្រាវគំរោងការខាងលើបានថ្លែងថា នៅមិនទាន់មានការកំណត់ពេលវេលាដែលវត្ថុប្រើប្រាស់ទាំងនោះត្រូវបានផលិតឡើងឡើយ ។ វត្ថុបុរាណទាំង…
