ត្រូវបង្កើតបញ្ជីនៃក្ដីស្រមៃរបស់អ្នកសម្រាប់ការដោះស្រាយបញ្ហាការងារ និងមុខតំណែងតួនាទីរបស់អ្នក។ ចាប់ផ្ដើមដោយក្ដីស្រមៃថា អ្នកមិនមានដែនកំណត់លើអ្វីដែលអ្នកអាចធ្វើទៅបាន។
តើការងារណាមួយដែលអ្នកគួរតែជ្រើសយក ប្រសិនបើអ្នកមានជម្រើសការងារច្រើន?
ត្រូវគិតទៅដល់លក្ខខណ្ឌនៃសកម្មភាពឱ្យច្បាស់លាស់ថា តើអ្នកអាចធ្វើសកម្មភាពដោយរហ័សបានដែរឬទេ? តើអ្នកអាចធ្វើវាបានឥឡូវនេះទេ ដើម្បីចាប់ផ្ដើមរៀបចំខ្លួនឯង និងផ្លាស់ប្ដូរសកម្មភាពឆ្ពោះទៅកាន់តំណែងការងារដែលអ្នកចង់បាន?
អ្នកអាចឆ្លើយយ៉ាងម៉េចក៏បាន ធ្វើអ្វីក៏បាន ប៉ុន្តែត្រូវតែធ្វើ និងមានភាពទទួលខុសត្រូវខ្ពស់។
អាថ៌កំបាំងនៃភាពជោគជ័យគឺ ការសម្រេចចិត្តធ្វើអ្វីមួយដោយជាក់លាក់ និងរីករាយ ហើយស្វែងរកវិធីល្អៗសម្រាប់ការរស់នៅដោយមានក្ដីសុខ។ គ្មាននរណាម្នាក់អាចធ្វើការជំនួសអ្នកបានទេ អ្នកគឺជាអ្នកទទួលខុសត្រូវលើខ្លួនឯង។
ប្រែសម្រួលដោយ៖ សុខ ឡា
