សិស្សជាច្រើនតែងតែមានបញ្ហាចំពោះការចងចាំពាក្យថ្មីៗដែលពួគគេបានជួបប្រទះដោយសារតែពួគគេមិនដឹងពីវិធីដែលធ្វើឲ្យពួគគេងាយចងចាំ។ ការចងចាំពាក្យថ្មីមិនពិបាកទៀតនោះទេដោយអ្នកគ្រាន់តែធ្វើតាមវិធីទាំងនេះ៖
១. កត់ត្រា
វាជារឿងដែលចាំបាច់មួយដែលអ្នកត្រូវតែកត់ត្រារាល់ពាក្យថ្មីៗទាំងអស់ដែលអ្នកបានជួបប្រទះ។ ការកត់ត្រាធ្វើឲ្យអ្នកឆាប់ចាំដៃ និងជាពិសេសងាយស្រួលសម្រាប់នៅពេលដែលអ្នកចង់រម្លឹកវាសារជាថ្មី។២. អាន
អាន អាន អាន អានកាន់តែច្រើនកាន់តែល្អ។ ការអាននេះមានប្រសិទ្ធភាពខ្លាំងណាស់ ព្រោះថានៅពេលដែលអ្នកឃើញកាន់តែញឹកញាប់វានឹងធ្វើឲ្យអ្នកចងចាំដោយមិនដឹងខ្លួន។៣. ប្រើប្រាស់ពាក្យទាំងនោះ
វាមិនគ្រប់គ្រាន់នោះទេ បើសិនជាអ្នកគ្រាន់តែព្យាយាមទន្ទេញពាក្យទាំងអស់នោះ ព្រោះថាអ្នកនឹងអាចភ្លេចវាវិញក្នុងរយៈពេលមួយ។ អ្នកត្រូវតែយកពាក្យថ្មីៗទាំងនោះមកប្រើប្រាស់យ៉ាងហោចណាស់ក៏ឲ្យបាន ១០ដងដែរ ទើបជួយឲ្យអ្នកចាំបានយូរហើយដឹងពីវិធីប្រើប្រាស់វា។៤. ព្យាយាមបង្កើតល្បែងទាក់ទងនឹងពាក្យនោះ
វាកាន់តែល្អបើសិនជាអ្នកអាចបង្កើតល្បែងផ្សេងៗដែលទាក់ទងនឹងពាក្យថ្មីៗទាំងអស់នោះ ព្រោះវានឹងជួយឲ្យអ្នកងាយចងចាំ និងមានភាពសប្បាយរីករាយថែមទៀតផង។ ល្បែងមួយចំនួនដែលអាចយកមកអនុវត្តមានដូចជា Puzzles និងCrosswords ជាដើម។៥. បង្កើត Word Card
វាជារឿងដែលល្អដែលអ្នកត្រូវតែមាន word card។ អ្នកអាចយកវាមកមើលគ្រប់ពេលវេលា និងគ្រប់ទីកន្លែងដែលអ្នកមានពេលទំនេរ។ ការធ្វើបែបនេះនឹងជួយឲ្យអ្នកចំណេញទាំងពេលវេលាថែមទៀតផង។៦. ព្យាយាមរៀនជាមួយមិត្តភក្តិ
ការរៀនជាក្រុមក៏ជាវិធីដែលមានប្រសិទ្ធភាពមួយផងដែរ។ វាអាចជួយជំរុញទឹកចិត្តឲ្យខិតខំរៀនសូត្រ និងបានទាំងភាពសប្បាយរីករាយថែមទៀតផង។ លើសពីនេះការសិក្សាជាក្រុមងាយស្រួលក្នុងការសួរគ្នាទៅវិញទៅមកដែលធ្វើឲ្យអ្នកចាំបានលឿន។
៧. ព្យាយាកំណត់ពាក្យថ្មីដែលត្រូវរៀន
អ្នកត្រូវតែបង្កើតទម្លាប់ដោយព្យាយាមកំណត់ពាក្យថ្មីៗដែលត្រូវរៀនជារៀងរាល់ថ្ងៃ។ ក្នុងនោះអ្នកអាចកំណត់ចំនួនប្រមាណជិត ១០ពាក្យក្នុង១ថ្ងៃ។ ប៉ន្តែបើសិនជាអ្នកមានសមត្ថភាពខ្ពស់ អ្នកអាចកំណត់ចំនួនលើសនេះក៏បានដែរ។ប្រភព៖ LearnEnglishTeens
អត្ថបទដោយ៖ ប៉ោ គឹមហុក
Post A Comment: