បន្ទាប់មានការបង្រ្កាបយ៉ាងធ្ងន់ធ្ងរដ៏ដែលជាដែល ម្តងហើយម្តងទៀតពីសំណាក់អាថ្ងាធររបស់រដ្ឋាភិបាលកាន់អំនាច លោក នាយករដ្ឋមន្រ្តី ហ៊ុន សែនលើប្រជាពលរដ្ឋស្លូតត្រង់មក មានការរិះគន់យ៉ាងចាស់ដៃពីមតិមហាជនទាំងក្នុងប្រទេស និងក្រៅប្រទេស។ ដូចច្នេះកិច្ចការសំខាន់ថ្ងៃនេះគឺកិច្ចប្រជុំនៅហ្សឺណែវស្តីពីបញ្ហាសិទ្ធិមនុស្សនៅកម្ពុជា ដែលនៅពេលនេះកំពុងមានការចាប់អារម្មណ៏ពីសំណាក់មហាជនជាច្រើន។ ឧត្តមស្នងការសិទ្ធិមនុស្សអ.ស.ប ដែលមានទីស្នាក់ការ នៅក្នុងទីក្រុងហ្សឺណែវ (ស្វ៊ីស) បើកកិច្ចប្រជុំ ដើម្បីពិនិត្យមើលរបាយការណ៍សិទ្ធិមនុស្ស នៅក្នុងប្រទេសកម្ពុជា ដោយមានតំណាងរដ្ឋាភិបាលកម្ពុជាចូលរួមឆ្លើយការពាររបាយការណ៍សិទ្ធិមនុស្សនេះ។ កិច្ចប្រជុំនេះត្រូវចាប់ផ្តើមធ្វើ នៅថ្ងៃអង្គារ វេលាម៉ោង ២និង៣០រសៀល ម៉ោងនៅហ្សឺណែវ (ត្រូវនឹងម៉ោង ៨និង៣០នាទីយប់ ម៉ោងនៅក្នុងប្រទេសកម្ពុជា)។ កិច្ចប្រជុំនេះត្រូវបានផ្សាយផ្ទាល់ ដោយទូរទស្សន៍ (WEBTV) របស់អង្គការសហប្រជាជាតិ ដែលវិទ្យុបារាំងអន្តរជាតិខេមរភាសា យកមកផ្សាយបន្តផ្ទាល់ នៅខាងក្រោមនេះ។ khmer.rfi.fr
Post A Comment: