BONGSOKLA.COM: ឯកអគ្គរដ្ឋទូតអ៊ុយក្រែន បដិសេធមិនចុះហត្ថលេខាលើសៀវភៅរំលែកទុក្ខរបស់អ៊ីរ៉ង់ [News] Ukraine’s Ambassador Rejects Iran’s Condolence Book Invitation

អ៊ុយក្រែនមិនបង្អង់យូរឆ្លើយតបចំពោះអ៊ីរ៉ង់ឡើយ!
Ukraine Swiftly Responds to Iran’s Condolence Invitation!

អត្ថបទដោយ៖ Chey Sokunthea

អ៊ុយក្រែនមិនបង្អង់យូរឆ្លើយតបចំពោះអ៊ីរ៉ង់ឡើយ!

ស្ថានទូតអ៊ីរ៉ង់ប្រចាំនៅអាហ្វ្រិកខាងត្បូង បានអញ្ជើញក្រុមអ្នកការទូតអ៊ុយក្រែនឱ្យមកចុះហត្ថលេខាលើសៀវភៅចូលរួមរំលែកទុក្ខ ដើម្បីរំលឹកវិញ្ញាណក្ខន្ធលោក Ayatollah Khamenei។

ឯកអគ្គរដ្ឋទូតអ៊ុយក្រែនប្រចាំនៅអាហ្វ្រិកខាងត្បូង បានផ្សព្វផ្សាយជាសាធារណៈនូវលិខិតឆ្លើយតបទៅកាន់ឯកអគ្គរដ្ឋទូតអ៊ីរ៉ង់វិញយ៉ាងដូច្នេះថា៖

“សូមជម្រាបលោកឯកអគ្គរដ្ឋទូត,

ដោយសារលោក/លោកស្រីបានជម្រាបមកកាន់ស្ថានទូតអ៊ុយក្រែនអំពីសៀវភៅរំលែកទុក្ខសម្រាប់អតីតមេដឹកនាំ Ayatollah Khamenei និងបណ្ដាមេដឹកនាំយោធាអ៊ីរ៉ង់ ខ្ញុំមានអារម្មណ៍ថាចាំបាច់ត្រូវរំលឹកលោក/លោកស្រីអំពីចំណុចមួយចំនួនដូចខាងក្រោម៖

ក្នុងនាមជាសម្ព័ន្ធមិត្តយោធារបស់សហព័ន្ធរុស្ស៊ី បណ្ដាមេដឹកនាំអ៊ីរ៉ង់ដែលបានទទួលមរណភាពត្រូវទទួលខុសត្រូវចំពោះការស្លាប់របស់ប្រជាជនអ៊ុយក្រែនរាប់ពាន់នាក់ — ទាំងបុរស ស្ត្រី កុមារ និងមនុស្សចាស់ — ដែលត្រូវបានសម្លាប់ដោយយន្តហោះដូន (Shahed) ដ៏ល្បីល្បាញដែលផលិតដោយអ៊ីរ៉ង់ និងឧបករណ៍យោធាផ្សេងទៀតដែលរដ្ឋាភិបាលរបស់ពួកគេបានត្រៀមខ្លួនរួចជាស្រេចក្នុងការផ្គត់ផ្គង់ឱ្យរុស្ស៊ី។ មេដឹកនាំទាំងនេះគឺជាអ្នកសមគំនិតក្នុងការបង្កឱ្យមានការឈឺចាប់យ៉ាងខ្លាំងដល់ប្រជាជនអ៊ុយក្រែន។

ក្នុងនាមជាអ្នកមានជំនឿសាសនា ខ្ញុំព្យាយាមមិនសប្បាយចិត្តចំពោះការស្លាប់របស់អ្នកដទៃ សូម្បីតែអ្នកដែលជ្រើសរើសបង្កការឈឺចាប់ដល់ប្រទេសជាតិរបស់ខ្ញុំដោយមិនបានប៉ះពាល់ដល់ពួកគេផ្ទាល់ក៏ដោយ។ ប៉ុន្តែក្នុងនាមជាមនុស្សម្នាក់ដែលបានចំណាយពេលបីឆ្នាំស្តាប់សម្លេងគ្រហឹមនៃម៉ាស៊ីនសម្លាប់មនុស្សដែលផលិតដោយអ៊ីរ៉ង់រៀងរាល់យប់នៅលើមេឃទីក្រុងកៀវ (Kyiv) និងទីក្រុងដ៏សុខសាន្តដទៃទៀតរបស់អ៊ុយក្រែន ខ្ញុំមិនអាចមិនប្រាថ្នចង់ឱ្យជនល្មើសទាំងអស់ទទួលបានការដាក់ទោសដែលសមស្របនោះទេ។ បើមិនមែនតាមច្បាប់របស់មនុស្សជាតិទេ យ៉ាងហោចណាស់ក៏នៅចំពោះមុខព្រះដ៏មានព្រះចេស្ដាដែរ។

ជម្រាបលោកឯកអគ្គរដ្ឋទូត ខ្ញុំមិនស្គាល់លោកទេ ហើយខ្ញុំក៏មិនមានការគុំកួនអ្វីជាមួយលោកដែរ។ ជួនកាល អ្នកការទូតពូកែៗត្រូវការពារមេដឹកនាំដ៏អាក្រក់ និងគោលនយោបាយរបស់ពួកគេ។ ប៉ុន្តែខ្ញុំសង្ឃឹមថាលោកនឹងយល់ថា ខ្ញុំនឹងមិនសម្ដែងនូវពាក្យចូលរួមរំលែកទុក្ខចំពោះការស្លាប់របស់បុគ្គលម្នាក់ដែលខ្ញុំមិនមានការសោកស្តាយទាល់តែសោះនោះទេ។

ដោយក្ដីគោរព,
បណ្ឌិត Olexander Scherba
ឯកអគ្គរដ្ឋទូត”