“
នឹកឡើងកាលណា
I- នឹកឡើងកាលណាឳរាអំពល់
ចង់បាននិមលមកថ្នាក់ថ្នមថែ
តើធ្វើម្តេចទៅបានរូបមាសស្នេហ៍?
អូនខ្ពស់ដូចខែនៅលើមេឃា។
II- អូនល្អទាំងអស់ឥតទាស់ត្រង់ណា
ដូចទេពធីតាពីឋានសួគ៌ា
បានជួបអូនម្តងនៅភូមិបាក់ព្រា
ញ៉ាំបាយជុំគ្នានៅផ្ទះពាលពៅ។
R- អនុស្សាវរីយ៍បងចាំមិនភ្លេច
សូរិយារៀបលិចជាមួយឆោមឆ្លៅ
ចរចាផ្តោះផ្តងនៅក្រោមដើមថ្កូវ
អស់ទុក្ខហ្មងសៅសប្បាយម្ល៉េះទេ។
VI- មិនយូរប៉ុន្មានយើងក៏បែកគ្នា
ព្រោះម្តាយពុំងារគាត់ចិត្តរារេ
បំបែករូបអូនទៅនៅស្រុកគេ
លាហើយមាសស្នេហ៍លាទាំងអាល័យ។
”
ភ្នំពេញ៖ ថ្ងៃសុក្រ ទី ៣១ ខែឧសភា ឆ្នាំ ២០១៣
និពន្ធដោយលោក៖ គង់ ពេជ្រ (KP)
