មេរៀនជីវិតអ្នកកាង! ចុះជួយរឿងគេ តែបែរជាជាប់ខ្នោះខ្លួនឯង ព្រោះកាំភ្លើង និងគ្រឿងញៀន"
ឃាត់ខ្លួនបុរសម្នាក់ពាក់ព័ន្ធការប្រើប្រាស់អាវុធ និងគ្រឿងញៀន
ក្នុងជម្លោះគ្រោះថ្នាក់ចរាចរណ៍នៅស្ទឹងមានជ័យ
🗓 ភ្នំពេញ ថ្ងៃទី០៧ ខែមីនា ឆ្នាំ២០២៦ (រាជធានីភ្នំពេញ)៖
យោងតាមប្រព័ន្ធផ្សព្វផ្សាយសង្គមបានលើកឡើងថា
បុរសម្នាក់ដែលបានប្រើប្រាស់អាវុធក្នុងជម្លោះគ្រោះថ្នាក់ចរាចរណ៍
នៅសង្កាត់ស្ទឹងមានជ័យ៣ ខណ្ឌមានជ័យ ត្រូវបានកម្លាំងនគរបាលឃាត់ខ្លួន
និងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ
ក្រោយរកឃើញមានផ្ទុកសារធាតុញៀន និងអាវុធខុសច្បាប់ជាប់ខ្លួន។
ជនសង្ស័យមានឈ្មោះ
មុំ សាវន្ត័ ភេទប្រុស អាយុ ៣៥ឆ្នាំ មុខរបរបើកបរ
ស្នាក់នៅបន្ទប់ជួលក្នុងភូមិទ្រា៤។ តាមអង្គហេតុ កាលពីវេលាម៉ោង ២១:៤៥នាទីយប់
ថ្ងៃទី០៥ ខែមីនា ជនសង្ស័យបានឌុបប្រពន្ធចេញពីផឹកស៊ី
ហើយបានឃើញអ្នកស្គាល់គ្នាមានជម្លោះគ្រោះថ្នាក់ចរាចរណ៍ជាមួយបុរស ៣នាក់ទៀត។
ភ្លាមនោះ ជនសង្ស័យបានឈប់ម៉ូតូសួរនាំ ប៉ុន្តែដោយសារមានសម្តីឌឺដង
រូបគេក៏បានដកដំបងរលាស់ចេញមក ធ្វើឱ្យភាគីម្ខាងទៀតឃើញកាំភ្លើងនៅចង្កេះ
ក៏ស្ទុះទៅចាប់
និងស្រែកឆោឡោដល់សមត្ថកិច្ចដែលកំពុងល្បាតឱ្យជួយអន្តរាគមន៍តែម្តង។
📦 វត្ថ…
