មេរៀនទី១៖ ប្រភេទកាមេរ៉ា និងគ្រឿងបង្គុំ Types of Cameras and Accessories
សួស្តីប្អូនៗ!
ការយល់ដឹងពីគ្រឿងបង្គុំរបស់ប្រព័ន្ធ CCTV គឺជាគ្រឹះដ៏សំខាន់ បើប្អូនៗចង់ក្លាយជាអ្នកបច្ចេកទេស ឬចង់ដំឡើងប្រើប្រាស់ដោយខ្លួនឯង។ សូមប្អូនៗអានដោយយកចិត្តទុកដាក់ អានមួយៗកុំបង្ខំ។ ជាទូទៅ ប្រព័ន្ធ CCTV ត្រូវបានចែកចេញជាពីរប្រភេទធំៗគឺ៖
ប្រភេទទី១ Analog (HD-TVI/CVI)
ប្រភេទទី២ IP Camera System
ខាងក្រោមនេះគឺជាគ្រឿងបង្គុំសំខាន់ៗដែលប្អូនត្រូវស្គាល់៖ ១. ប្រភេទកាមេរ៉ា (Camera Types)
រូបរាងកាមេរ៉ានីមួយៗ ត្រូវបានរចនាឡើងសម្រាប់ទីតាំងខុសគ្នា៖
Dome Camera: មានរាងមូល ភាគច្រើនប្រើសម្រាប់ ក្នុងផ្ទះ
(Indoor)។ វាមានសោភ័ណភាពស្អាត និងពិបាកឱ្យគេដឹងថាវាកំពុងបែរក្បាលទៅទិសណា។
Bullet Camera: មានរាងទ្រវែង ភាគច្រើនប្រើសម្រាប់ ក្រៅផ្ទះ
(Outdoor)។ វាមានភាពធន់នឹងកម្តៅថ្ងៃ និងទឹកភ្លៀង (IP66/IP67)។
PTZ Camera: ជាប្រភេទកាមេរ៉ាដែលអាច បញ្ជាឱ្យងាក (Pan) ,
ងើបចុះឡើង (Tilt) , និង ពង្រីក (Zoom) បានតាមរយៈទូរស័ព្ទ
ឬកុំព្យូទ័រ។
២. គ្រឿងបង្គុំសម្រាប់ប្រព័ន្ធ Analog (HD-Analog System)
ប្រព័ន្ធនេះពេញនិយមព្រោះមានតម្លៃសមរម្យ និងងាយស្រួលដំឡើង៖
DVR (Digital Video Recorder)…
