ឆ្លងកាត់បទពិសោធន៍ផ្ទាល់ក្នុងការធ្វើការងារស្និទ្ធជាមួយអតិថិជនតាមរយៈទូរស័ព្ទ ខ្ញុំបានមើលឃើញពីឥទ្ធិពលយ៉ាងខ្លាំងរបស់វាចំពោះមុខជំនួញ និងការទំនាក់ទំនងប្រចាំថ្ងៃ។ មិនថាជាមិត្តភក្តិ គ្រួសារ ឬដៃគូអាជីវកម្ម ការទាក់ទងតាមទូរស័ព្ទគឺជា "ច្រកទ្វារដំបូង" នៃទំនាក់ទំនង។
- លើកទូរស័ព្ទនៅពេលរោទ៌ទី ២ ឬទី ៣ (ជៀសវាងលើសពី ៤ ដង)
- ការស្វាគមន៍ដោយរាក់ទាក់ (អរុណសួរស្តី / Good Morning)
- បញ្ជាក់ឈ្មោះអាជីវកម្មឱ្យបានច្បាស់លាស់
- បញ្ជាក់ឈ្មោះខ្លួនឯង (ឧ. "បាទ ខ្ញុំ... កំពុងនិយាយ")
- ស្នើសួររកជំនួយ (ឧ. "តើមានអ្វីឱ្យខ្ញុំជួយដែរឬទេ?")
តើអ្នកដឹងទេ? ទោះបីមិនឃើញមុខ ក៏អ្នកស្តាប់អាចដឹងថាអ្នកកំពុងញញឹមតាមរយៈសំឡេងរបស់អ្នកដែរ (When you smile, people know)។
ទោះបីជាគាត់និយាយរាក់ទាក់ តែការទុកឱ្យទូរស័ព្ទរោទ៌ច្រើនដងដោយចេតនាមិនលើក គឺជាចំណុចអវិជ្ជមានដែលធ្វើឱ្យបាត់បង់ឱកាស។
ការដាក់ឱ្យអតិថិជនរង់ចាំ (On Hold) ភ្លាមៗទាំងមិនទាន់បានស្តាប់ គឺជាការបង្ហាញពីការខ្វះការយកចិត្តទុកដាក់។
ការឆ្លើយតបដែលផ្តោតតែលើបច្ចេកទេសពេក ដោយខ្វះការយល់ចិត្ត (Empathy) នឹងធ្វើឱ្យអតិថិជនមានអារម្មណ៍មិនល្អចំពោះសេវាកម្ម។
