យុទ្ធសាស្ត្រគន្លឹះ ៦ យ៉ាង ដើម្បីអភិវឌ្ឍជំនាញដឹកនាំឱ្យមានប្រសិទ្ធភាព
Six Key Strategies for Developing Effective Leadership Skills
១. ហាត់ពត់ខ្លួនឯងឱ្យមានវិន័យ
ការដឹកនាំពិតប្រាកដចាប់ផ្តើមពីការគ្រប់គ្រងខ្លួនឯង។ តាមរយៈការបង្ហាញពីវិន័យខ្ជាប់ខ្ជួន ទាំងមារយាទ និងលទ្ធផលការងារ អ្នកដឹកនាំកំពុងបង្កើតស្ដង់ដារមួយដោយមិនចាំបាច់ប្រើពាក្យសម្ដីដល់ក្រុមការងារ។
២. ហ៊ានទទួលខុសត្រូវគម្រោងឱ្យបានច្រើន
បទពិសោធន៍គឺជាអ្នកសាងសមត្ថភាព។ ការស្ម័គ្រចិត្តទទួលការងារបន្ថែម និងដឹកនាំគម្រោងថ្មីៗ នឹងជួយឱ្យអ្នកជួបប្រទះបញ្ហាប្រឈមប្លែកៗ ដែលជាការបង្វឹកឱ្យចេះចាត់ចែងការងារស្មុគស្មាញបានយ៉ាងល្អ។
៣. រៀនធ្វើជាអ្នកដើរតាមគេខ្លះ
អ្នកដឹកនាំល្អត្រូវយល់ថាខ្លួនជាចំណែកនៃប្រព័ន្ធការងារ។ ការរៀនតាមដានច្បាប់ទម្លាប់ និងសង្កេតមើលរបៀបដឹកនាំរបស់អ្នកដែលជោគជ័យ នឹងផ្តល់ឱ្យអ្នកនូវមេរៀនមិនអាចកាត់ថ្លៃបានសម្រាប់រចនាបថដឹកនាំផ្ទាល់ខ្លួន។
៤. បង្កើតការលើកទឹកចិត្តដល់អ្នកដទៃ
ភាពពូកែខាងបច្ចេកទេសតែម្យ៉ាងមិនទាន់គ្រប់គ្រាន់ទេ ប្រសិនបើខ្វះសមត្ថភាពលើកទឹកចិត្តមនុស្ស។ អ្នកដឹកនាំត្រូវចេះជំរុញ និងជួយឱ្យបុគ្គលិកម្នាក់ៗអាចសម្រេចគោលដៅរបស់ពួកគេ ស្របតាមគោលដៅរបស់អង្គភាព។
៥. រៀនសូត្រឥតឈប់ឈរ
ភាពជាអ្នកដឹកនាំមិនមែនជាគោលដៅចុងក្រោយទេ តែជាដំណើរនៃការរៀនសូត្រមួយជីវិត។ បងត្រូវពង្រឹងជំនាញបច្ចេកទេសផង និងរៀនពីបច្ចេកទេសគ្រប់គ្រងមនុស្សសម័យថ្មីផង ដើម្បីឱ្យការដឹកនាំនៅតែមានប្រសិទ្ធភាព។
៦. ចេះដោះស្រាយវិវាទ
ការទាស់ទែងគ្នាជារឿងជៀសមិនផុតក្នុងក្រុមការងារ។ អ្នកដឹកនាំល្អត្រូវចេះដោះស្រាយបញ្ហាដោយផ្អែកលើហេតុផលជាជាងអារម្មណ៍ ដោយផ្តោតលើការយល់ចិត្តគ្នា ដើម្បីប្រែក្លាយបញ្ហាឱ្យទៅជាឱកាសពង្រឹងសាមគ្គីភាព។
