សញ្ញាណទាំង ៥ បង្ហាញថាដល់ពេលដែលអ្នកត្រូវចាប់ផ្ដើមអាជីវកម្ម
តើលោកអ្នកកំពុងស្ទាក់ស្ទើរក្នុងការឈានជើងចូលក្នុងពិភពជំនួញមែនទេ? បើលោកអ្នកមានជួបរោគសញ្ញាទាំង ៥ យ៉ាងនេះ វាគឺជាសញ្ញាណដែលបញ្ជាក់ថា លោកអ្នកត្រៀមខ្លួនរួចជាស្រេចដើម្បីក្លាយជាម្ចាស់អាជីវកម្មហើយ៖
-
១) អ្នកមើលឃើញពីឱកាសជុំវិញខ្លួន៖
បើមើលឃើញឱកាសហើយ តើគួរនៅចាំអ្វីទៀត? ត្រូវតែចាប់ផ្ដើមតែម្ដងទៅ បើមិនដូច្នោះទេ ឱកាសនោះនឹងធ្លាក់ទៅក្នុងកណ្ដាប់ដៃរបស់អ្នកដទៃជាមិនខាន។ -
២) អ្នកមានទម្លាប់ធ្វើការងារកាន់តែយូរ និងច្រើនជាងមុន៖
នៅពេលដែលលោកអ្នកកាន់តែលះបង់ពេលវេលាដើម្បីធ្វើការងារ ហើយមានទម្លាប់ថាមិនឈប់បើការងារមិនទាន់ហើយ នោះគឺជាសញ្ញាមួយបង្ហាញថា លោកអ្នកមានសក្ដានុពលអាចក្លាយជាអ្នករកស៊ីបាន។ -
៣) អ្នកមានសំណួរជាច្រើន៖
បើមានទម្លាប់ជាមនុស្សពូកែសាកសួរ ចង់ដឹងចង់ឮច្រើន នោះដល់ពេលដែលលោកអ្នកអាចប្រែខ្លួនជាអ្នកមានចម្ងល់លើកិច្ចការធ្វើអាជីវកម្ម ដើម្បីស្វែងរកដំណោះស្រាយថ្មីៗ។ -
៤) មើលឃើញពិភពលោកខុសពីគេ៖
នេះជាធាតុផ្សំដ៏សំខាន់បំផុត។ ការមើលឃើញខុសពីគេ ជាដើមចមនៃការបង្កើតអ្វីដែលថ្មី ប្លែក និងអាចទទួលបានជោគជ័យដោយនឹកស្មានមិនដល់។ -
៥) មើលឃើញរឿងរ៉ាវច្រើនដែលត្រូវធ្វើ៖
សហគ្រិនពិតប្រាកដ មិនផ្ដោតតែលើកិច្ចការតែមួយនោះទេ ពោលគឺអាចចាត់ចែងការងារច្រើនក្នុងពេលដំណាលគ្នា ដោយមិនភ្លេចគ្រួសារ មិត្តភក្ដិ និងការងារស្នូល។
បើអ្នកមានចំណុចទាំងនេះ លោកអ្នកប្រាកដជាអាចក្លាយជាសហគ្រិនដ៏ជោគជ័យម្នាក់ជាមិនខាន៕
ដោយ៖ រតនៈ វិភូ
