ខុងជឺ (Confucius) គឺជាទស្សនវិទូមួយរូបដ៏ល្បីល្បាញបំផុតក្នុងប្រវត្តិសាស្ត្រចិន។ ឈ្មោះរបស់លោកបានដក់ជាប់ជាមួយនឹងប្រជាជនចិន និងអ្នកសិក្សាស្រាវជ្រាវពីទស្សនវិជ្ជាចិនអស់រយៈពេលជាងពីរpluginសហសវត្សមកហើយ។
ទស្សនវិជ្ជារបស់ខុងជឺ បានបង្រៀនមនុស្សជាតិឱ្យមានការគិតពិចារណាប្រកបដោយហេតុផល និងធ្វើអំពើប្រកបដោយសីលធម៌ខ្ពស់។
គ្មានជនណាម្នាក់ស្ថិតនៅក្នុងកាល និងលំហណាបដិសេធមិនទទួលយកការទូន្មានរបស់ខុងជឺបានឡើយ។ ក្នុងពេលដែលលោកក្លាយជានាយករដ្ឋមន្ត្រីនគរលូ លោកបានប្រែក្លាយនគរមួយនេះឱ្យទៅជានគរដែលពោរពេញទៅដោយឬទ្ធានុភាព។ នៅក្នុងឯកសារ "សន្ទនាទស្សនវិជ្ជា" ខុងជឺបានផ្តល់ពុទ្ធិ និងមធ្យោបាយបង្រៀនសិស្សរបស់លោកឱ្យទទួលបាននូវគតិបណ្ឌិតដ៏វិសេសវិសាល។
ការចងក្រងឯកសារ «ខុងជឺ ស្តេចគ្មានបល្លង្គ» នេះ គ្រាន់តែជាការសិក្សាសង្ខេបនូវប្រវត្តិ និងស្នាដៃរបស់លោកតែប៉ុណ្ណោះ។ យើងពិតជាទទួលស្គាល់ថា ការសិក្សានេះមិនអាចជៀសផុតពីកំហុសឆ្គងផ្នែកទម្រង់ និងខ្លឹមសារបានឡើយ។
