ហេតុភេទ៣យ៉ាង
យោងតាមហោរាស្ត្រខ្មែរដែលល្បីឈ្មោះ ឯកឧត្ដម អ៊ឹម បុរិន្ទ អគ្គលេខាធិការរងនៃគណៈកម្មាធិការរៀបចំបុណ្យជាតិ-អន្តរជាតិ និង ជាគណៈកម្មការស្រាវជ្រាវវិជ្ជាហោរាសាស្ត្រនិងប្រពៃណីទំនៀមទម្លាប់ខ្មែរ បានប្រាប់ ខេឃ្យូប ឲ្យដឹងថា មហាសង្ក្រាន្តឆ្នាំថ្មី ឆ្នាំវកនេះ នឹងធ្វើឲ្យអ្នកដែលtកើតឆ្នាំចំនួន៤ មានរាសីដាក់ខ្លាំង ដែលទី១-ឆ្នាំវក ទី២-ឆ្នាំខាល ទី៣-ឆ្នាំម្សាញ់ និងទី៤-ឆ្នាំកុរ។
ប៉ុន្តែឆ្នាំដែលរាសីដាក់ខ្លាំងជាងគេបំផុតនោះ គឺឆ្នាំខាលនិងវកតែម្ដង ដូច្នេះអ្នកដែលកើតឆ្នាំនេះ គួរធ្វើពិធីសូត្រមន្តរំដោះនិងកាត់គ្រោះ ឬធ្វើពិធីផ្សេងៗទៀត ដើម្បីកុំឲ្យរាសីស្រុតចុះខ្លាំងពេល និងអាចទទួលបាននូវសិរីសួស្ដី លាភសំណាងចូលដល់ខ្លួន ព្រមទាំងក្រុមគ្រួសារ។
ហេតុភេទទី២ ក្នុងឆ្នាំនេះថា តាមទំនាយទាយថា ចំពោះព្រះមហាក្សត្រ ព្រះអង្គទ្រង់នឹងមានព្រះតេជានុភាពល្អប្រសើរខ្លាំង ហើយនឹងទទួលបាននូវគ្រឿងបណ្ដាការ ឬកិត្តិសព្ទពីបណ្ដាប្រទេសផ្សេងៗថែមទៀត។ ដោយឡែក សម្រាប់កុមារតូចៗ និងសត្វចិញ្ចឹមវិញ គឺមិនសូវល្អទេ ព្រោះនឹងមានជំងឺកើតឡើងច្រើន។
និងទី៣ សង្ក្រាន្តឆ្នាំថ្មីដែលនឹងចូលមកដល់នៅថ្ងៃទី១៣ ខែមេសាវេលាម៉ោង៨ យប់ ដោយទេវធីតាបុត្រីទី៤ របស់កបិលមហាព្រហ្មព្រះនាម មណ្ឌាទេវី សោយទឹកដោះស្រស់ អម្ពរពណ៌ខៀវខ្ចីស្រស់ស្រទន់នោះ គឺចូលឆ្នាំរយៈពេល៤ថ្ងៃ ដែលយូរៗទើបមានម្តង ។
ប៉ុន្តែគ្រូហោរាស្ត្ររូបនេះបញ្ជាក់បន្ថែមថា កាលពីបួនដប់ឆ្នាំមុនដូចជា ឆ្នាំ១៩៨៥ ១៩៨៩ ១៩៩៣ ១៩៩៧ ២០០១ជាដើម ក៏ធ្លាប់មានការចូលឆ្នាំចំនួន៤ថ្ងៃដូចគ្នា នឹងការចូលឆ្នាំ ២០១៦នេះដែរ ព្រោះតាមក្បួនវិជ្ជាហោរាសាស្ត្រ ដែលគុណគូរជើងលេខ នៃការរាប់ថ្ងៃខែឆ្នាំបូកចូលគ្នាទៅ គឺត្រូវមានកើតឡើងបែប។
អ្នកស្រាវជ្រាវវិជ្ជាហោរាសាស្ត្រ និងប្រពៃណី ទំនៀមទម្លាប់ខ្មែរដដែលនេះឲ្យដឹងទៀតថា បួនទៅខាងមុខទៀតក៏នឹងមានចូលឆ្នាំ បួនថ្ងៃដែរ ពោលគឺ ២០២០ បន្ទាប់មកទៀតមានឆ្នាំ២០២៤ ២០២៨ និង២០៣២។ល។
គួរបញ្ជាក់ថា មហាសង្ក្រាន្តឆ្នាំវកឆ្នាំនេះ ចំពោះរណ្ដាប់ទទួលទេវតា រួមមាន៖ រានទេវតាមួយដែលក្រាលសំពត់ពណ៌ស បាយសីប្រាំថ្នាក់១គូ បាយសីបីថ្នាក់១គូ បាយសីប៉ាឆា១គូ ស្លាធម៌១គូ ទៀនប្រាំ ធូបប្រាំ ផ្កាប្រាំ ស្លាធម៌កូនចេក១គូ ដូងឡៅ១គូ ចេកនួនឬចេកណាំវ៉ា១គូ ទឹកស្អាតពីរកែវ ផ្លែឈើ៥មុខ មួយមុខ១គូៗ ហើយគួរមានទឹកដោះស្រស់ទទួលទេវតាផងដែរព្រោះជាភក្សាហាររបស់ទេពធីតា៕
ផ្តល់សិទ្ធិដោយ៖ Kqube
Post A Comment: