ពីអ្នកជំនាញការទូត មកជាអ្នកជំនាញការភូត! ជំនួបដ៏ក្ដៅគគុកដែលធ្វើឱ្យមន្ត្រីជាន់ខ្ពស់ថៃ ទាល់តម្រិះកណ្ដាលកិច្ចសម្ភាសន៍ជាមួយទូរទស្សន៍បារាំង
ពីអ្នកជំនាញខាង «ការទូត» មកជាអ្នកជំនាញខាង «ការភូត»៖
ជំនួបដ៏តឹងតែងរវាងរដ្ឋមន្ត្រីការបរទេសថៃ និង France 24
កិច្ចសម្ភាសន៍រវាងរដ្ឋមន្ត្រីការបរទេសថៃ លោក
Sihasak Phuangketkeow
ជាមួយនឹងទូរទស្សន៍បារាំង
France 24 បានក្លាយជាប្រធានបទដ៏ក្ដៅគគុក
បន្ទាប់ពីអ្នកសារព័ត៌មានបានដេញដោលសួរដេញជើង
រហូតធ្វើឱ្យលោករដ្ឋមន្ត្រីដែលធ្លាប់តែមានវោហារសាស្ត្រការទូត បែរជាទាល់តម្រិះ
និងឆ្លើយយកព្រួចតែម្ដង។
១. សំណួរដដែលៗដែលធ្វើឱ្យរដ្ឋមន្ត្រីថៃទាល់ច្រក
ចំណុចដែលគួរឱ្យចាប់អារម្មណ៍បំផុតនោះគឺ អ្នកសារព័ត៌មានបានសួរដដែលៗ
ដើម្បីឱ្យលោកពន្យល់ជុំវិញការលើកឡើងរបស់នាយករដ្ឋមន្ត្រីកម្ពុជា
អំពីវត្តមានទាហានថៃដែលកំពុងបន្តកាន់កាប់លើទឹកដីកម្ពុជា។
ជំនួសឱ្យការបកស្រាយដោយតថភាពជាក់ស្ដង លោករដ្ឋមន្ត្រីបានព្យាយាមគេចវេស
ប៉ុន្តែនៅតែមិនអាចគេចផុតពីសំណួរដ៏មុតស្រួចរបស់អ្នកកាសែតឡើយ។
២. ការដោះសារដែលខ្វះមូលដ្ឋានគ្រឹះប្រវត្តិសាស្ត្រ
អ្វីដែលធ្វើឱ្យគេហួសចិត្តបំផុតនោះ គឺនៅពេលអស់តម្រិះ
លោករដ្ឋមន្ត្រីថៃបានដោះសារថា តំបន់ដីទាំងនោះ កម្ពុជាទើបតែមកតាំងទីលំនៅ
តាំងពីសម័យដែលថៃបើកជំរំ…
