យុទ្ធសាស្ត្រសម្រាប់អ្នកចំណូលមធ្យម ដើម្បីក្លាយជាម្ចាស់លំនៅឋាន
"មនុស្សកើនតែដីមិនកើនទេ" ហើយអ្នកដែលមានចំណូលមធ្យម (ពី $600 ដល់ $1,500) កំពុងប្រឈមមុខខ្លាំងក្នុងការក្លាយជាម្ចាស់លំនៅឋាន ជាពិសេសក្នុងក្រុងភ្នំពេញ។ ខាងក្រោមនេះគឺជាដំណោះស្រាយមាស ២ ចំណុចពីអ្នកជំនាញអចលនទ្រព្យ លោក គីម ហ៊ាង។
១. សិក្សាពីលទ្ធភាព និងលំហូរសាច់ប្រាក់
ជម្រើសល្អបំផុតសម្រាប់អ្នកចំណូលមធ្យម គឺការទិញដោយ **បង់រំលស់** ជាមួយធនាគារ ឬក្រុមហ៊ុនបុរីផ្ទាល់។ ប៉ុន្តែមុននឹងសម្រេចចិត្ត អ្នកត្រូវដឹងពីចំណុចទាំងនេះ៖
- តើក្នុងមួយខែអ្នកមានចំណូលសុទ្ធប៉ុន្មាន?
- តើលទ្ធភាពសងត្រឡប់ទៅធនាគារមានកម្រិតណា?
- តើអ្នកមានប្រាក់បម្រុង (ប្រាក់កក់) ក្នុងដៃគ្រប់គ្រាន់ហើយឬនៅ?
២. គិតពីកត្តាតម្លៃជាចម្បង កុំផ្តោតតែលើទីតាំង
កុំស្វែងរកទីតាំងដែលល្អពេក (កណ្ដាលក្រុង) ព្រោះតម្លៃនឹងហួសពីលទ្ធភាព។ យុទ្ធសាស្ត្រដែលល្អគឺ៖
- ជ្រើសរើសតំបន់ជាយក្រុងដែលកំពុងអភិវឌ្ឍដូចជា៖ ស្ទឹងមានជ័យ, វេងស្រេង, ចំការដូង ឬតំបន់ជាប់ផ្លូវជាតិធំៗ។
- ចម្ងាយមិនគួរលើសពី ១៥ គីឡូម៉ែត្រ ពីរាជធានីភ្នំពេញ។
- ជ្រើសរើសផ្ទះដែលមានតម្លៃចន្លោះពី ៣ម៉ឺន ទៅ ៥ម៉ឺនដុល្លារ ទើបសមស្របនឹងលទ្ធភាព។
"កាលណាប្រទេសកាន់តែអភិវឌ្ឍខ្លាំង អ្នកចំណូលមធ្យមនឹងកាន់តែលំបាកក្នុងការទិញផ្ទះ ប្រសិនបើមិនសម្រេចចិត្តឱ្យបានឆាប់តាមលទ្ធភាពនោះទេ"
ប្រភព៖ ពាណិជ្ជកម្មកម្ពុជា
