AKbalthom Kbach (អាក្បាលធំ ក្បាច់) ជានណា?

AKbalthom Kbach (អាក្បាលធំ ក្បាច់) ៗ គឺជាវេបសាយ ដ៏ពេញនិយមមួយដែលអាចអោយលោកអ្នកទាញយក ពុម្ពអក្សរខ្មែរជាង ៤០ម៉ូតបានដោយមិនគិតថ្លៃ ហើយក៏ជាសមិទ្ធិផលនៃការស្រឡាញ់ និងការ
លះបង់ពេលវេលាពេលទំនេរផ្ទាល់ខ្លួន ដើម្បីបង្កើតពុម្ពអក្សខ្មែរប្លែកៗ ដាក់ឱ្យប្រើឥតគិតថ្លៃ ព្រោះចង់ជួយអភិរក្ស និងលើកស្ទួយអក្សសាស្ដ្រជាតិ។

តើ AKbalthom Kbach (អាក្បាលធំ ក្បាច់) ជានណា?

លោក នៅ សំណាង គឺស្ថាបនិករបស់ ប្លុក AKbalthom Kbach (អាក្បាលធំ ក្បាច់)

នៅ សំណាង បានឱ្យដឹងថា៖ ក្រុមពួកគេមានគ្នាប្រហែល 18 នាក់ ដែលជាអ្នកសកម្មក្នុងការបង្កើតពុម្ពអក្សខ្មែរ ខណៈសមាជិកក្រុមដទៃទៀត មិនសូវមានពេលជួយ។ ក្នុងការបង្កើតពុម្ពអក្សនេះ យើងបានបង្កើតជាក្រុមមួយឱ្យឈ្មោះថា “ក្រុមអ្នករចនាអក្សពុម្ពខ្មែរ” ដោយមានខ្ញុំ នៅ សំណាង និងឆូយ ប៊ុនសុខហេង ជាអ្នកតំណាងក្រុម។

យុវជន នៅ សំណាង បន្តថា ពួកខ្ញុំស្ទើរតែគ្មានពេលទំនេទេពីថ្ងៃចន្ទដល់ថ្ងៃអាទិត្យ ខណៈត្រូវបំពេញការងារ ខ្លះនៅសិក្សារ ហើយខ្លះទៀតមានមុខរបរខ្លួនឯងនៅផ្ទះ។ ព្រោះតែស្រឡាញ់ និងចង់បង្កើតពុម្ពអក្សខ្មែរថ្មីៗ ពួកយើងសុខចិត្តចំណាយពេលវេលាបន្តិចបន្តួចរចនាម៉ូដនៃពុម្ពអក្សខ្មែរឱ្យសម្បូរបែប ដើម្បីទុកឱ្យមហាជនខ្មែរបានប្រើប្រាស់ ស្រប់ពេលដែលផ្នែកនេះ នៅមិនទាន់មានក្រុមណាធ្វើឱ្យទូលំទូលាយ ក្រោយពីរាមច្បងចាស់ៗដូចជាលោក ដាញ់ ហុង និងអ្នកមួយចំនួនទៀតមិនសូវមានពេលធ្វើ។

យុវជន នៅ សំណាង បានបន្ថែមឱ្យដឹងទៀតថា៖ ក្រុមអ្នករចនាអក្សពុម្ពខ្មែរ បានបង្កើតឡើងកាលពីថ្ងៃទី 10 ខែធ្នូ ឆ្នាំ 2013 ដោយជំហានដំបូង គាត់មិនមានការបង្កើតជាក្រុមអ្វីទេ គ្រាន់តែមានអ្នកចេះធ្វើវា 2 ឬ 3 នាក់ ហើយក្រោយធ្វើបានពុម្ពអក្សក៏យកវាដាក់ក្នុងប្លុកមួយ ដើម្បីឱ្យគេទាយយកតែប៉ុណ្ណោះ។

នៅ សំណាង អ្នករចនាពុម្ពអក្សរខ្មែរក្រីក្រតូចតាចម្នាក់ តែមានការតាំងចិត្តខ្ពស់

AKbalthom Kbach (អាក្បាលធំ ក្បាច់) ដែលពលរដ្ឋទូទៅភាគច្រើននិយមយកមកប្រើប្រាស់ សម្រាប់ការរចនាផ្សេងៗ។ ស្នាដៃរចនាពុម្ពអក្សរខ្មែរ ដែលពលរដ្ឋទូទៅអាចប្រើប្រាស់ដោយមិនគិតថ្លៃនេះ ជាសមិទ្ធិផលនៃក្តីស្រលាញ់ និងការលះបង់ពេលវេលាយ៉ាងលើសលប់នៃយុវភាពរបស់ អ្នករចនាពុម្ពអក្សរក្រីក្រីតូចតាចម្នាក់ ដែលមានបំណងកសាងស្នាដៃខ្លះស្រាប់ខ្មែរជំនាន់ក្រោយប្រើប្រាស់។

សព្វថ្ងៃ លោក នៅ សំណាង បានឈានចាប់អាជីពជា អ្នកបោះពុម្ពអាវយឺត និងលក់អាវយឺតចល័ត ដើម្បីរកចំណូលផ្គត់ផ្គង់គ្រួសារ តែលោកក៏នៅសល់ពេលទំនេរខ្លះៗ ដើម្បីអង្គុយ រចនាពុម្ពអក្សរខ្មែរជាបន្តទៀតដោយគ្មានទីបញ្ចប់ឡើយ។